Во Астана, главниот град на Казахстан, на 17 септември 2025 година се одржа свеченото отворање на VIII Конгрес на лидерите на светските и традиционалните религии на тема „Дијалог на религиите: синергија во името на иднината“. Конференцијата ја посетуваат повеќе од 100 религиозни лидери од 60 земји во светот. На конференцијата учествува и поранешниот претседател на Македонија, г. Ѓорѓе Иванов.
На настанот учествува делегација на Руската Православна Црква, предводена од Патријархот Московски и на сета Рус Кирил, како и делегација на Ерусалимската Патријаршија, на чело со Патријархот Теофил.
На Конгресот учествуваа и: Претседателот на Казахстан – К.Ж.К. Токаев, претседателот на Сенатот на Парламентот на Казахстан и раководител на Секретаријатот на Конгресот – М.С. Ашимбаев, Католикосот на Големиот Дом Киликиски – Арам I, раководителот на Дикастериумот за меѓурелигиски дијалог на Римокатоличката Црква – кардинал Дорџ Џејкоб Коовакад, претседателот на Управата на муслиманите на Кавказ – шеих-ул-исламот Аллахшукјур Пашазаде, раководителот на Организацијата за култура и исламски врски на Иран – хоџат-ул-исламот Мохамад Махди Иманипур, Високиот претставник на генералниот секретар на Обединетите Нации за Алијансата на цивилизациите – Мигел Анхел Морантинос, генералниот секретар на Светската исламска лига – Мухамад Абдулкарим Ал-Иса, главниот (сефардски) рабин на Израел – Давид Јосеф, заменик-раководителот на будистичкиот ред „Чогије“ – Џол Бом, генералниот секретар на Советот на муслиманските старешини – Мухамад Абделсалам, главниот (ашкеназиски) рабин на Израел – Калман Бер, претседателот на Духовната управа на муслиманите на Руската Федерација – муфтијата шеих Равил Гајнутдин, претседателот на Духовната управа на муслиманите на Казахстан – муфтијата Науризбај каџи Таганули, претседателот на Духовната управа на муслиманите на Татарстан – Камил Самигулин, претседателот на Асоцијацијата на даоистите на Кина – Ли Гуанфу.
Меѓу делегатите на Конгресот беа и лидери на исламските, католичките, лутеранските и еврејските заедници на Казахстан, пратеници на Парламентот, дипломати, новинари и експерти, претставници на раководството на Универзитетот „Ал-Азхар“, муслимански, еврејски, будистички, хиндуистички и други религиозни заедници од Кина, Јапонија, Кореја, Индија, Пакистан, Иран, ОАЕ, Саудиска Арабија, Египет, Турција и други земји.
Во текот на отворањето на Конгресот до учесниците се обрати со поздравен збор Претседателот на Казахстан К.Ж.К. Токаев.
Потоа говореше Патријархot Московски Кирил. Во своето обраќање тој му се заблагодари на раководството на Казахстан за организацијата на Конгресите и за вниманието кон меѓурелигискиот мировен дијалог. Поглаварот на Руската Православна Црква нагласи дека обидите за градење мир кој Го отфрла Бога го оставаат човештвото без иднина. Светејшиот Владика ја потенцираше важноста на соработката на религиозните лидери со водечките меѓународни организации, како Обединетите Нации, истакнувајќи дека идејата за формирање консултативен совет на религиозни лидери при Обединетите Нации не ја изгубила својата актуелност.
„Религиозните лидери навистина имаат што да му кажат на светот за тој во иднина да стане барем малку подобар, посветол и побезбеден“ – рече Светејшиот Патријарх Кирил.
Се обратија и генералниот секретар на Светската исламска лига, претставникот на Римокатоличката Црква, лидерот на даоистичката заедница на Кина, главниот (ашкеназиски) рабин на Израел, Блажениот Патријарх Ерусалимски Теофил. Со видео обраќање учесниците ги поздрави генералниот секретар на Обединетите Антонио Гутереш. Потоа говореше Високиот претставник на генералниот секретар на Обединетите Нации за Алијансата на цивилизациите, како и претседателот на Генералната управа за исламски прашања, вакуфи и закат на Обединетите Арапски Емирати Омар Хабтур Ад-Дареи.
