Неочекуван инцидент се случи во Солун, каде што беше во тек Парадата на гордоста во рамките на манифестацијата „Тесалоники прајд“ на 20 јуни 2026 година.
Поточно, додека поворката се движела по улицата „Павлос Мелас“, двајца монаси почнале да извикуваат „Покајте се“, а еден од нив дури легнал на коловозот пред едно од возилата на поворката, со што привремено го прекинал нејзиното движење.
Тој во раката држел крст, а на градите имал поставено и икона на Пресвета Богородица.
Полициски службеници веднаш пристигнале на местото на настанот и ги отстраниле монасите, без да дојде до каква било тензија. Според информациите, двајцата биле приведени во полициска станица – известуваат грчките медиуми.
