Командант на борбена единица од војската на САД на брифинг на подофицерите изјавил дека војната со Иран е „дел од Божјиот план“ и дека претседателот Доналд Трамп бил „помазан од Исус да го запали сигналниот оган во Иран за да го предизвика Армагедон и да го означи Неговото враќање на Земјата“ – се тврди во жалбата поднесена од еден подофицер. Повеќе од 110 слични жалби за команданти во сите гранки на војската биле евидентирани од Фондацијата за верска слобода во војската на САД. Жалбите доаѓале од повеќе од 40 различни единици распоредени во најмалку 30 воени инсталации, ми соопшти Фондацијата на 2 март 2026 година – известува американскиот новинар Џонатан Ларсен.
Петер Хегсет, Секретарот за одбрана на САД (или Секретарот за војна, како што самиот го преименува одделот), го има издигнато евангелското христијанство на највисоките нивоа во американската војска, пренесувајќи месечни молитвени средби низ целиот Пентагон. Минатата година Пентагон потврди дека Хегсет присуствува на неделните часови по изучување на Библијата во Белата куќа. Програмата ја води проповедник кој вели дека Бог ѝ заповеда на Америка да го поддржува Израел – се вели во анализата на Ларсен.
Претседателот и основач на Фондацијата, ветеран на Воздухопловните сили и поранешен службеник во Белата куќа за време на администрацијата на Реган, изјави дека откако САД и Израел го нападнале Иран, Фондацијата била преплавена со слични жалби: „Воените лица пријавуваат голема еуфорија кај нивните команданти и во ланецот на команда во врска со тоа како оваа нова ’библиска’ војна е јасен и неоспорен знак за скорото приближување на фундаменталистичките христијански ’Последни времиња’, живописно опишани во новозаветната книга Откровение.“
Извор: https://jonathanlarsen.substack.com/p/us-troops-were-told-iran-war-is-for
