Прекинот на прогонот врз Украинската православна црква е еден од најважните услови за решавање на конфликтот во Украина – изјави Руското Министерство за надворешни работи за руската медиумска куќа „Известија“ на 24 јануари 2026 година.
„Неопходноста од прекинот на прогонот врз Украинската Православна Црква, вклучително и укинувањето на законот од август 2024 година ’За заштита на уставниот поредок во сферата на активностите на верските организации’, кој предвидува создавање правен механизам за забрана на канонската црква, заедно со отстранувањето на кршењата на правата на руското и рускојазичното население, е еден од клучните услови за постигнување одржливо решение на украинската криза“ – истакнаа во министерството.
Изјавија и дека рускиот претседател Владимир Путин неколкупати му го кажувал ова на американскиот претседател Доналд Трамп, кој активно е вклучен во решавањето на украинската криза.
Во мај 2025 година, рускиот министер за надворешни работи Сергеј Лавров нагласи дека Русија нема да го напушти православниот народ на Украина и ќе се бори за враќање на правата на канонската Украинска Православна Црква. Лавров истакна дека на украинска територија сѐ уште има запленувања на цркви, како и вандалски акти и напади врз свештеници и парохјани.
