Во Уставот на Словачка треба јасно да се наведе дека постојат само два пола: машки и женски. Ова го изјави премиерот на републиката Роберт Фицо на 8 јуни – известува „Еуразија Дејли“.
Според неговите зборови, тој би сакал да праша и словачката јавност, како и антивладини и либерални медиуми: што е лошо во тоа официјално да се признае постоењето на само два пола?
„Што има лошо во тоа? Што е тука против здравиот разум? Ако некој сака да се чувствува како ламба, столче, хеликоптер или куче — нека се чувствува. Но во уставот ние ќе признаваме само два пола — машки и женски“ — рече тој.
Премиерот исто така забележа дека порано никогаш не постоела потреба оваа одредба да се вметне во основниот закон на државата.
„Денес, очигледно, настапило толку лудо време што мораме да внесеме во Уставот на Словачка Република дека еден плус еден е два, и токму поради тоа се појави оваа сериозна уставна измена“ — изјави Фицо.
Да потсетиме, Роберт Фицо и претходно изјави дека има намера во уставот на републиката да го вгради ставот за признавање на само два пола. Според него, овој чекор претставува „враќање кон здравиот разум“, бидејќи одамна требало да се направи за никој да не се самопрогласи за „хеликоптер, мачка или куче“.
