Тинејџер-муслиман од Сомалија го убил 17-годишниот Украинец Вадим Давиденко во центар за малолетни бегалци во Даблин, Ирска. Како што јавува украинскиот медиум „Страна“, повикувајќи се на ирски новинар, убиецот бил негов сосед кој, поради своите верски убедувања, не јаде свинско месо. Тој го нападнал Вадим додека овој подготвувал јајца со сланина.
Трагедијата се случила наутро на 15 октомври, во кујната на студентскиот дом каде живееле неколку малолетни мигранти под надзор на државната агенција „Тусла“.
Меѓу момчињата избувнала расправија додека Вадим си го готвел појадокот.
„Според нашите полициски извори, кавгата меѓу момчињата од Сомалија и Украина можеби избувнала поради храната. Украинецот готвел јајца со сланина за појадок, што го разгневило Сомалиецот кој, поради својата вера, не консумира свинско. Сомалиецот го нападнал Украинецот со кујнски нож и брутално го исекол, дури му ги извадил и очите. Тој се обидувал да се брани колку што можел — на неговите раце, глава и гради имало бројни рани,“ — раскажал за „Страна“ ирскиот новинар Стивен Хенд.
Сомалиецот потоа се обидел да нападне и други станари на центарот. Вработена во прифатилиштето, која се обидела да го спречи, исто така добила повреда од нож.
Кога полицијата пристигнала на местото, осомничениот се заклучил во бањата држејќи крвав нож. По употреба на спреј со бибер, бил уапсен.
Загинатиот Вадим Давиденко бил родум од Киев. Во Ирска пристигнал само неколку дена пред смртта, со намера да се запише на универзитет и да студира кибер-безбедност. Родителите му останале во Украина, а неговиот постар брат служи во вооружените сили на Украина.
„Беше многу добар, праведен и грижлив. Неколку месеци се грижеше за својата болна баба. Мечтаеше да студира и да им помага на ближните“ — раскажале роднините.
Трошоците за враќањето на телото на Вадим во Украина ги презеле ирските власти.
Ова е веќе втор напад со нож врз украински бегалци во последните месеци — во август, во САД, во воз беше убиена 23-годишната Украинка, Ирина Заруцка.
