Архиепископот Охридски и Македонски г. г. Стефан упати честитка по повод Курбан Бајрам до поглаварот на ИВЗ

До Реис-ул Улема
Хаџи Шаќир Ефенди Фетахи
Исламска верска заедница
во Македонија

Почитуван Ефенди Фетахи,

Од Своe, како и од името на архијереите, свештенослужителите, монаштвото и верниот народ на Македонската Православна Црква – Охридска Архиепископија, Ви го честитаме празникот Курбан Бајрам, посакувајќи Ви Вам и на верниците од исламска вероисповед изобилни добрини од Господа.

Овој празник на жртвата нека им биде спомен на муслиманите за пожртвуваната љубов кон ближните, па се надеваме дека духот на меѓусебното почитување и разбирање ќе продолжат и понатаму да ја закрепнуваат соработката помеѓу Македонската Православната Црква и Исламската заедница.

Посакувајќи Ви крепко здравје, мудрост и помош од Господа, Ви посакуваме празничната радост да Ви биде постојана!

Честит празник!

ПРЕТСЕДАТЕЛ НА СВЕТИОТ
АРХИЈЕРЕЈСКИ СИНОД
НА МАКЕДОНСКАТА ПРАВОСЛАВНА ЦРКВА
АРХИЕПИСКОП ОХРИДСКИ И МАКЕДОНСКИ
г. г. СТЕФАН