На 19 јануари 2025 година, денот во кој Црквата го прославува Богојавлението Господово – Водици, Неговото Блаженство, Архиепископот Охридски и Македонски г.г. Стефан чиноначалствуваше со светата Василиева Литургија во храмот „Успение на Пресвета Богородица“ – Каменско во Охрид.
По Божествената Литургија и Великиот водосвет, Архиепископот, свешенослужителите и верниот народ во Литија се упатија кон Охридското Езеро, коешто Архиепископот го освети и во коешто го положи светиот Крст. Потем, Неговото Блаженство се упати кон Струга, каде ги освети водите на Црн Дрим.
На Божествената Литургија многуброен верен народ се причести со светите Христови Тајни, а на водосветите на Охридското Езеро и реката Црн Дрим стотици охриѓани и стружани заплива во осветените богојавленски води.
Извор: https://mpc-spe.mk/arhiepiskop/aktivnosti/bogojavlenie-vo-ohri-i-vo-struga/
