На 11 ноември 2025 година, епископот Делчевско-каменички, Неговото Преосвештенство г. Марко, ја оствари својата прва официјална средба со новоизбраната градоначалничка на Општина Македонска Каменица, г-ѓа Соња Стаменкова.
На средбата се разговараше за можностите за позитивно издигнување и напредок на духовниот живот во рамките на Епархијата. Епископот Марко посочи неколку тековни проекти, изразувајќи надеж дека и во иднина ќе ја има поддршката и разбирањето од локалната самоуправа за нивно успешно завршување.
Градоначалничката Стаменкова истакна дека Општина Македонска Каменица останува отворена за соработка со Епархијата и вети континуирана поддршка во процесот на нејзино дооформување и унапредување на нејзиното функционирање.
На средбата беше заеднички констатирано дека Црквата има значајна улога во општествениот живот, особено во градењето на солидарна, единствена и прогресивна заедница.
