Со благослов на Неговото Високопреосвештенство Митрополитот Дебарско-кичевски г. Тимотеј, Преосвештениот Епископ Антаниски г. Партениј беше гостин на Високопреосвештениот Митрополит на Дидимотихо, Орестијада и Суфли г. Дамаскин, од Православната црква на Грција.
Таму заедно го прославија празникот на Рождеството Богородично, според новиот календар. На вечерната богослужба началствуваше Епископот Партениј, во присуство на Неговото Преосвештенство Епископот Назијански г. Атинагора, секретар на Епархискиот Синод на Американската Архиепископија на Цариградската Патријаршија.
На Литургијата утредента началствуваше Високопреосвештениот Митрополит на Имврос и Тенедос г. Кирил, од Цариградската Патријаршија како пратеник на Неговата Светост Патријархот Цариградски г.г. Вартоломеј, во сослужување со Митрополитот Дамаскин и Епископот Партениј.
