На 6 септември 2026 година, во Четиринаесеттата недела по Педесетница, кога светата Православна Црква го празнува споменот на светиот свештеномаченик Евтихиј, Неговото Високопреосвештенство митрополитот Преспанско-пелагониски г. Петар, изврши Големо осветување на храмот „Свети Никола“ во село Беровци, Прилепско архиерејско намесништво.
По Големото осветување беше отслужена света архијерејска Божествена Литургија, на која многубројниот верен народ молитвено учествуваше и се причести со Светите Христови Тајни.
„Овој свечен ден ќе остане запишан во духовната историја на село Беровци, а новоосветениот храм, по молитвите на свети Николај Чудотворец, нека биде место на молитва, благодат и духовна утеха за сите верни“ – завршува известувањето од Преспанско-пелагониската епархија.
Извор: http://www.pppe.mk/2026/golemo-osvetuvane-na-hramot-sveti-nikola-vo-selo-berovtsi/
