На 7 јули 2024 година, кога се прославува Рождеството на св. Јован Крстител – Иванден, Неговото Високопреосвештенство Митрополитот Брегалнички г. Иларион отслужи света архиерејска Литургија во сослужение на свештенослужители од Кочанското Архиерејско Намесништво, во храмот „Св. Вмч. Димитриј“ во с. Чешиново, Кочанско.
Пред почетокот на Божествената Литургија, Митрополитот Иларион изврши освет на новиот фрескоживопис во олтарниот дел на храмот, а на крајот од Светата Литургија одржа пригодна беседа.
По завршувањето на Литургијата, Митрополитот г. Иларион ја освети и новата крстилница при храмот „Св. Вмч. Димитриј“ во с. Чешиново.
