Европската епархија на Македонската православна црква – Охридска архиепископија најави поставување на камен-темелник за нов храм, посветен на свети Климент Охридски, во Германија. Во продолжение ја пренесуваме објавата во целост.
Уште една духовна радост!
Почитувани, срдечно со сите вас ја споделуваме радосната вест дека на 15.09.2024 година ќе се освети камен темелникот за изградба на нова македонска православна црква во Берлин, и ќе се отслужи света Архиерејска Литургија на која ќе чиноначалствува неговото блаженство архиепископот Охридски и македонски и на Јустинијана Прима г.г. Стефан, во сослужение со нашиот надлежен Архиереј Неговото Високопреосвештенство Митрополит Европски г. Пимен и Неговото Високопреосвештенство Митрополит тетвско-гостиварски г. Јосиф, со повеќе свештенослужители од Македонија и Европа.
„Со радост и нашето масовно присуство да го збогатиме овој убав настан“
Програма:
* 08:45- Пречек на Архиереите
* 09:00- Архиерејска литургија
* 10:30- Освет на камен темелник
* 11:30- Прослава со Ангел Стојкоски и група “Доминанта”
* 12:30- Настап на фолклорен ансамбл “Македонско Сонце”- ДиселдорфМПЦО „Свети Климент Охридски“ Берлин
адресата е: Osdorfer Straße 16, 12207 Berlin
