На 7 јуни 2026 година, во неделата на сите Светии, во Лесновскиот манастир „Св. Гаврил Лесновски“ беше отслужена архијерејска света Литургија на која началствуваше Неговото Високопреосвештенство митрополитот Кумановско-осоговски г. Григориј во сослужение со архијерејот домаќин, Неговото Високопреосвештенство митрополитот Брегалнички г. Иларион, со Неговото Високопреосвештенство митрополитот Австралиско-новозеландски г. Никола и Високопреподобниот игумен на Хиландарската света обител, архимандритот отец Методи и свештенослужители од Брегалничката епархија и од светогорскиот манастир Хиландар.
На Божествената Литургија одржа пригодна беседа Митрополитот Григориј. А по завршувањето на Литургијата со боговдахновено слово кон многубројниот верен народ се обрати и Архимандритот отец Методиј.
