По повод доаѓањето на Неговата Светост Патријархот српски г. Порфириј и Неговото Блаженство Архиепископот охридски и македонски г. Стефан во Епархијата нишка, во Соборниот храм на Слегувањето на Светиот Дух врз Апостолите, во Ниш, на 13 октомври 2024 година беше отслужен свечен чин на доксологија.
Поглаварите на Српската Православна Црква и на Македонската Православна Црква – Охридска Архиепископија во Соборниот храм во Ниш ги пречека Високопреосвештениот Митрополит Нишки г. Арсениј, заедно со свештенството, монаштвото и верниот народ. На свечениот чин на доксологијата, кој го служеше архимандритот Серафим, игумен на манастирот Суково, молитвено присуствуваа и Високопреосвештените Митрополити Дебарско-кичевски Тимотеј и Преспанско-пелагониски Петар, како и Преосвештените господа Епископи Пакрачки и Славонски Јован, Будимљанско-никшички Методиј и Хераклејски Климент.
Утре, на празникот Покров на Пресвета Богородица, патријархот Порфириј и архиепископот Стефан ќе служат света Литургија во Богородичиниот манастир во Ѓунис.
Извор: https://spc.rs/patrijarh-porfirije-i-arhiepiskop-stefan-svecano-docekani-u-nisu/
