Известува: о. Горан Трпчевски
Со благослов од надлежниот Митрополитот на Американско-Канадската Македонска Православна Епархија г. Методиј и Митрополитот Новограчанички и Среднозападно-Американски г. Лонгин од Српската Православна Црква, на трет ден Велигден, на 14 април 2026 година, во просториите на Универзитетот „Оукланд“ во Рочестер Хилс, Мичиген, еден од најпрестижните Универзитети во САД, се одржа предавање на тема „Младите и Црквата“, со посебен осврт на важноста на младите во животот на Црквата, како и потребата верниците редовно да ги посетуваат неделните свети Литургии во храмовите.
По предавањето следеше отворена и плодна дискусија, при што студентите имаа можност да поставуваат прашања до свештениците.
На настанот учествуваа свештеници од Македонската Православна Црква, отец Синиша Ристовски и отец Драган Јорданов, како и свештеникот од Српската Православна Црква, отец Александар Вујковиќ.
Предавањето беше организирано од студентите на Македонскиот и Српскиот клуб, кои делуваат на овој Универзитет. Настанот го посетија повеќе студенти од двата клуба кои изразија интерес да дознаат повеќе за православната вера.
Им благодариме на сите студенти кои изразија желба свештениците да бидат нивни гости и за нивната отвореност, интерес и желба да слушнат и научат повеќе за Православната вера.
Исто така упатуваме повик до сите студенти од овој Универзитет да се вклучат во овие клубови, за да подобро се запознаваме меѓусебно и заеднички да ја шириме нашата Православна вера.
Ваквите предавања ќе продолжат и понатаму на Универзитетот „Оукланд“, со план за нивно проширување и на други универзитети во државата Мичиген.
