На 26 / 13 ноември 2025 година, на денот на прослава на празникот на св. Јован Златоуст која е и слава на манастирот „Св. Јован Златоуст“ во с. Нижеполе и именден на Неговото Високопреосвештенство, митрополитот Крушевско-демирхисарски г. Јован, беше отслужено сеноќно бдение, како што е вообичаено последниве 22 години откако е основан манастирот.
На Вечерната и Утрената началствуваше Неговото Високопреосвештенство митрополитот Врањски г. Пахомиј од Српската Православна Црква, а на Литургијата началствуваше митрополитот Јован во сослужение на митрополитот Пахомиј и Преосвештениот епископот Делчевско-каменички г. Марко.
На Литургијата, по прочитаното Евангелие, слово за св. Јован Златоуст произнесе митрополитот Пахомиј.
На крајот на богослужбата епископот Марко го благослови славското жито, а потоа митрополитот Јован им се заблагодари на сите кои дојдоа да му укажат чест на неговиот именден. Слово во одговор изрече епископот Марко.
Извор: https://krushdem.org/2025/11/26/proslava-na-sv-jovan-zlatoust/
