12.07.2025 Денот кога го прославуваме споменот на светите Првоврховни апостоли Петар и Павле, во храмот „Св. Кирил и Методиј” – Тетово, беше отслужена света архиерејска Литургија на која чиноначалствуваше Неговото Блаженство Архиепископот Охридски и Македонски г.г. Стефан во сослужение на надлежниот митрополит Тетовско-гостиварски г. Јосиф, епископот Стобиски г. Јаков, архимандритот Георгиј – новоизбран митрополит Дебарско-кичевски, архимандритот Агатон, протоереј-ставрофор Синиша Ристовски, протоереј-ставрофор Марјанчо Мадевски, протоереј Дарко Наумовски, протоереј Трпе Богојески, протоереј Илија Сламков, ереј Вељанчо Огненовски, протоѓакон Александар Димитријов и ѓакон Живомир Јосифоски.
На Литургијата верниот народ се причести со Светите Тајни.
Покрај празничната радост по повод празникот Петровден, друг повод за радост беше и 100 годишнината од осветувањето на Соборниот храм „Св. Кирил и Методиј”, бидејќи токму на празникот Петровден во 1925 бил осветен овој велелепен храм.
Своја боговдахновена беседа по повод празникот и јубилејот од осветувањето на храмот изрече Архиепископот Охридски и Македонски г.г. Стефан.
Извор: https://tge.mk/product/sobor-na-svetite-slavni-i-sefalni-12-apostoli-petrovden
