На покана на Високопреосвештениот Митрополит Доростолски г. Јаков од Бугарската Православна Црква, Неговото Високопреосвештенство Митрополит Кумановско-осоговски г. Григориј, заедно со Неговото Високопреосвештенство вомировениот Митрополит Кумановско-осоговски г. Јосиф, зеде учество во празничните богослуженија во чест на споменот на светите Доростолски маченици.
Во навечерието на самиот празник, на 20 јуни 2026 година, Митрополитот Григориј, во молитвено присуство на Митрополит Јаков, Митрополитот Јосиф, Преосвештениот Епископ Тулчански г. Висарион од Романска Православна Црква и Преосвештениот Епископ Агатоникиски г. Борис од Бугарска Православна Црква, ја возглави Воскресната вечерна богослужба.
Утредента, на 21 јуни 2026 година, Митрополитот Јаков, во сослужение на Високопреосвештениот Митрополит Русенски г. Наум од Бугарската Православна Црква, Митрополитот Григориј, Митрополитот Јосиф, Епископот Висарион и Епископот Борис, ја возглави Божествената Литургија.
На Божествената Литургија верниот народ се причести со Светите Христови Тајни.
