На 23 февруари, Месопусната недела, Неговото Преосвештенство Епископот Делчевско-каменички г. Марко, сослужуваше во соборниот храм „Свето Преображение“ во Требиње, Босна и Херцеговина. Повод за ова сослужување беше одбележувањето на четиригодишен помен на блаженоупокоениот Епископ Захумско-херцеговски г. Атанасиј Јевтиќ.
На светата архијерејска Литургија началствуваше Високопреосвештениот Митрополит Тверски и Кашински г. Амвросиј од Руската Православна Црква. Нему му сослужуваа Високопреосвештените Митрополити: Зиновиј Сарански и Мордовски од Руската Православна Црква, и архијереите на Српската Православна Црква: Јоаникиј Црногорско-Приморски, Григориј Германски; Високопреосвештениот Архиепископ г. Максим Западноамерикански и Преосвештените Епископи: г. Кирил Буеносаирески и Јужно-централноамерикански, г. Методиј Будимско-Никшички и домаќинот Високопреосвештениот Митрополит Захумско-Херцеговски и Стонско-Приморски г. Димитриј, во сослужение на бројно свештенство од повеќе помесни Православни Цркви.
По светата причест на блаженоупокоениот Епископ Атанасиј му беше направен помен кој го изврши Митрополит г. Јоаникиј.
По отпустот беседеше Митрополит г. Амвросиј.
Соборот продолжи во манастирот во Тврдош, каде беше извршен помен на гробот на Владиката Атанасиј, на кој служеше архимандрит Илија (Раго).
