На 18 април, Светла Сабота, 2026 година викарниот Епископ Стобиски г. Јаков отслужи света Божествена Литургија во манастирот на Светите Петнаесет Тивериополски Свештеномаченици во Струмица.
Верниот народ се причести со Светите Христови Тајни.
На богослужбата присуствуваа и директорката на Комисијата за односи со верските заедници и религиозни групи Оливера Трајковска, градоначалникот на Струмица Петар Јанков, градоначалниците на Василево, Ново Село и Дојран, Славе Андонов, Ѓорге Божинов и Илија Тентов, пратениците: Ели Панова, Петар Марков и Миле Цеков, советници, претставници на институциите, политичките партии и јавниот општествен живот.
По завршувањето на Божествената Литургија тргна свештената Литија со светата иконата на Богородица Брзопослушничка и светите мошти на свети Василиј Велики и свети првомаченик Стефан.
