На 23.02.2025 година, во навечерието на празникот на свети Георгиј Кратовски, во храмот на св. Георги Кратовски во Кратово, на покана на Неговото Високопреосвештенство Митрополитот Кумановско-осоговски г. Григориј, Вечерна богослужба за празникот служеше Епископот Велбужски г. Исак од Бугарската Православна Црква.
На 24.02.2025 година, на празникот на Свети Георгиј Кратовски, во храмот на свети Георгиј Кратовски во Кратово се богослужеше Света Златоустова Архиерејска Литургија на која чиноначалствуваше Високопреосвештениот Митрополит Доростолски г. Јаков од Бугарската Православна Црква, во сослужение со Митрополитот Кумановско-осоговски г. Григориј, Митрополитот Брегалнички г. Иларион, Митрополитот Тетовско-гостиварски г. Јосиф, Митрополитот г. Јосиф, Преосвештениот Епископ Велбужски г. Исак од Бугарската Православна Црква и Преосвештениот Епископ Велички г. Никола.
Верниот народ на Литургијата се причести со Светите Христови Тајни.
По завршувањето на Литургијата, на градскиот плоштад во Кратово беше осветен славскиот колач.
