Антиохискиот патријарх Јован X, на 10 декември 2024 година, оствари неколку телефонски разговори со патријархот Ефрем II Карим – поглавар на Сириско-православната (јаковитска) црква, и патријархот Јосиф Абси – поглавар на Грко- католичката (унијатска) црква, во контекст на последните настани во Сирија – известува Антиохиската патријаршија.
Тројцата патријарси ја истакнаа потребата од обединување на напорите и координација за да застанат покрај своите чеда при сето ова што се случува во Сирија. Патријарсите ја потенцираа важноста на зачувувањето на христијанскиот елемент и вредностите на граѓанството и соживотот.
