„Ова е смела постапка и не сметам дека санкциите против поглаварот на една помесна православна црква го постигнуваат ефектот и интересот кој, веројатно, го посакуваат оние што ги наметнуваат. Ова е правилна одлука“ – изјави Бугарскиот патријарх Даниил, коментирајќи ја одлуката на бугарските власти да ги блокираат санкциите на Европската Унија против Рускиот патријарх Кирил, за која известивме.
Премиерот Румен Радев денеска ќе го одржи првиот состанок со Светиот синод на Бугарската Православна Црква.
„Ова ќе биде неговата прва средба и може да се каже дека ќе биде протоколарна средба“ – изјави пред новинарите Патријархот бугарски и митрополит софиски Даниил, пред да влезе во Синодската палата.
Денеска Светиот синод на Бугарската Православна Црква – Бугарска патријаршија има седница.
„Црквата е во постојано заемно дејство со државата и во соработката од заемен интерес секогаш има доволно теми за разговор“ – истакна патријархот.
