Оваа година во Малави се одржаа неколку масовни крштевки, со кои над 100 души се придружија на светата Православна Црква, за дел од овие крштевки известивме, а уште две вакви свечености беа одржани на почетокот од месецов.
На 9 јули, отец Јоаким Бакали, архијерејски намесник на парохиите во Малави при Африканскиот егзархат на Руската Православна Црква, крсти 27 лица во парохијата „Св. Теофан Затворник“ во округот Чирадзулу, соопштува Егзархатот.
На 13 јули, на празникот Собор на светите апостоли, 15 лица беа крстени во парохијата „Блажен Августин“, во округот Зомба, по отслужената Божествена Литургија.Службата ја отслужија отец Јоаким и отец Климент Бванали.
Новокрстените поминаа катихетска подготовка под раководство на отец Јоаким, изучувајќи го Православието во текот на неколку месеци.
Извор: https://exarchate-africa.ru/novosti/v-malavi-tainstvo-kreshheniya-prinyali-eshhe-42-mestnyh-zhitelya/ преку: https://orthochristian.com/171451.html
