Северна Каролина
Православието бележи значителен пораст на нови верници во Америка во последниве години. Со крајот на Великиот пост и доаѓањето на Страсната седмица, традиционален период за примање катихумени во Црквата, беа пријавени неколку масовни крштевки и миропомазанија.
Неколку парохии славеа крштевки и миропомазанија на Лазарева сабота, дозволувајќи им на новопросветлените да учествуваат целосно во Страсната седмица како православни христијани.
Во црквата на Светиот Крст во Кернерсвил, Северна Каролина, САД, која припаѓа на Православната Црква во Америка, 25 катихумени беа примени во Црквата, соопшти парохискиот свештеник, отец Христофор Фоли. Оваа заедница искусува постепен раст низ годините и неодамна се пресели и освети сопствена црква.
Во храмот „Свети Серафим Саровски“ во Санта Роса, Калифорнија, САД, која исто така припаѓа на Православна Црква во Америка, уште 25 луѓе беа крстени истиот ден, каде што служи отец Лоренс Маргитич.
Во црквата „Света Богородица“ во Џорџтаун, Тексас, САД, која припаѓа на Руската Задгранична Православна Црква, 9 лица беа крстени од страна на отец Мојсеј Макферсон.
Оваа парохија има уште околу 65 катихумени кои се сѐ уште во подготовка за крштение. Заедницата неодамна купи имот и куќа вредна 2 милиони долари со цел изградба на нова црква и православен центар северно од Остин.
