Со благослов на Неговото Блаженство Митрополитот Киевски и на цела Украина Онуфриј, делегација архијереи на Украинската Православна Црква ја посети Бугарската Православна Црква – известува Информативно-просветниот оддел на Украинската Црква.
Во составот на делегацијата беа вклучени викарните архијереи на Черновицката епархија: митрополитот Банченски Лонгин, архиепископот Герцајски Силуан и епископот Новоселицки Клеопа.
Во рамките на посетата се одржа содржајна средба на архијереите на Украинската Православна Црква со претстоителот на Бугарската Православна Црква, Неговата Светост Патријархот Даниил. За време на средбата, архијереите разговараа со Неговата Светост и го замолија за молитви за мир во Украина и за Украинската Православна Црква.
Исто така, епископите учествуваа на свеченостите по повод 25-годишнината од изборот на митрополитот Ловчански Гавриил на архијерејската катедра.
