На 30 октомври 2024 година, вработените во Одделот за милосрдие и социјални услуги на Филипинско-виетнамската епархија на Патријаршискиот егзархат на Југоисточна Азија на Руската православна црква, организираа распределба на хуманитарна помош за жртвите на тајфунот „Трами“, кој го погоди островот Лузон од Филипинскиот архипелаг и предизвика сериозни штети на станбените згради, однесе десетици животи и остави неколку реони без вода и електрична енергија.
Помошта беше доделена на локалните семејства од страна на отец Давид Грабс и волонтери во црквата „Христос Спасител“ во градот Тагаитај, известува сајтот на Егзархатот.
Помошта вклучуваше ориз и други прехранбени производи, како и платно за неопходни привремени поправки на домовите.
„Трами“ удри по Филипините во доцните октомвриски денови и однесе повеќе од 120 животи, а потоа стигна до крајбрежјето на Виетнам, каде што во само 24 часа падна повеќе од двомесечна количина дожд. Многу жители сè уште се заробени во своите домови поради високото ниво на вода. Според спасувачките екипи, иако градот претходно доживеал поплави, тие никогаш досега не биле од вакви размери. Вкупно околу 25.000 луѓе се евакуирани од различни реони на Филипините поради непогодата.
Епархијата редовно им обезбедува храна на сиромашните луѓе во Тагаитај и други филипински градови.
Извор: https://exarchate.asia/2024/10/30/otdel-po-blagotvoritelnosti-i-soczialnomu-sluzheniyu-filippinsko-vetnamskoj-okazal-pomoshh-postradavshim-ot-tajfuna-trami-na-ostrove-luson/ преку: https://orthochristian.com/164289.html
