Група од мисионери од Митрополијата на Лариса во Грција учествуваше во групно крштевање на околу сто деца во источна Уганда. Мали деца, бебиња, тинејџери, возрасни, па дури и мајки со своите деца, примија православно Крштение облечени во крштални бели алишта.
Групата мисионери беше пречека од локалниот епископ, Силвестер, кој им ја покажа епархијата, вклучително и новата епископска резиденција која сè уште се гради.
На крајот од свеченоста, присутните ги изненадија мали ученици од локалната заедница со импровизирана акробатска изведба, а потоа следеше заедничка трпеза со дарови од семејствата-кумови, главно од Лариса.
Обраќајќи им се на новокрстените, епископот Силвестер ја нагласи важноста на духовната чистота и можноста за обнова преку тајната на исповедта, нарекувајќи го белиот хитон симбол на преродба, но и одговорност.
Присуството на волонтерите од Лариса беше топло поздравено од заедницата, а многумина на спонтан начин ја изразија својата благодарност.
Овој настан уште еднаш го потврдува клучниот придонес што може да го има православната мисија во земји во развој, каде духовната, социјалната и материјалната поддршка сè уште се многу потребни.
Извор: https://orthodoxia.info/news/mia-ierapostoli-tin-larisa-stin-oy/
