На 31 мај 2026 година, на празникот Педесетница, во храм на Православната Црква во Америка, во Орегон, повторно се одржа групна крштевка, како што веќе редовно се случува во различни делови од САД.
Православниот храм „Свети Јаков“ во Бенд, Орегон, наведува: „Радосен празник на Педесетница во централниот Орегон, со многумина кои преку светото крштение се приклучија на Црквата.“
Според фотографиите од настанот, најмалку десет лица – возрасни и деца – биле примени во Црквата преку светото Крштение.
Храмот „Свети Јаков“, во кој служат јереј Марк Соломон и јереј Дамјан Куолт, се опишува како „заедница на верници од различни животни патишта кои ја бараат спасоносната вистина преку Евангелието на Исус Христос“.
Храмот е основан во 2003 година од мала група православни христијани и првично бил опслужуван од свештеници кои повремено доаѓале за да извршуваат богослужби. Со текот на времето прераснал во поорганизирана парохија со назначен свештеник и редовен богослужбен живот.
Парохијата го носи името на свети Јаков од Алјаска и се стреми да го следи неговиот мисионерски дух. Како што наведуваат од храмот: „Како нашиот патрон, Свети Јаков од Алјаска, нашата парохија се стреми да ја донесе древната христијанска вера на ново место и да ја утврди, за таа да биде болница за болните, прибежиште за оние што се во бура и градина на радост за оние што бараат заедница со Бога.“
