Грузиската православна црква се приклучи на реакциите и гласовите на осуда на церемонијата на отворањето на Олимписките игри во Париз.
Во соопштението објавено на официјалната Фејсбук страница на Грузиската патријаршија се вели:
„Одредени сцени прикажани при отворањето на Олимписките игри во Франција, длабоко нè натажија, и ние се согласуваме со изјавата дадена од Вселенската Патријаршија, во која, помеѓу останатите важни нешта, се кажува и следното: ’Со голема тага ги следевме навредливите претстави за христијанството и светото Евангелие, но и за секој цивилизиран човек, кој го признава правото на вероисповед и почитувањето на верските симболи.’
Од наша страна, ние се придружуваме на заедничката реакција на осуда и повреденост предизвикана од богохулната поставка, којашто го претвори отворањето во навреда на универзалното човечко достоинство и пропаганда на ЛГБТ+ идеологијата.“
