Грузиската патријаршија ги отфрли тврдењата на Руската надворешна разузнавачка служба во врска со наводно надворешно влијание врз раководството на Грузиската православна црква.
Протојереј Андрија Џагмаидзе, раководител на службата за односи со јавноста при Патријаршијата, изјави дека „такво мешање од друга помесна Црква е незамисливо и целосно невозможно“. Говорејќи за „Интерпресњуз“, Џагмаидзе исто така истакна дека не е јасна основата на информациите што ги пласирала Руската надворешна разузнавачка служба.
Во одделна изјава на оваа тема се осврна и Митрополитот на Ахалкалаки и Кумурдо Николај: „Јас лично не сум ја видел изјавата. И второ, не верувам дека руската разузнавачка служба дала ваква изјава. Мислам дека не се толку глупави за да даваат вакви изјави. Мислам дека ова не е оригинал, не е автентично. Според мене, дури и ако постои ваква изјава, таа е измислена. Не ѝ верувам на оваа информација – глупост е од страна на руските специјални служби да даваат вакви изјави. Со тоа нема да постигнат никаква цел, нема да прават вакви бесмислици без причина, така мислам“ – вели владиката Николај.
Руската агенција претходно тврдеше дека Цариградскиот Патријарх Вартоломеј се обидува да го прошири своето влијание врз Грузиската Православна Црква и поддржува конкретни кандидати за позицијата патријарх, како што известивме.
Извор: https://georgiatoday.ge/georgian-patriarchate-rejects-russian-intelligence-claims-on-church-succession/ и https://www.interpressnews.ge/ka/article/866050-mitropoliti-nikolozi-ar-mjera-rom-rusetis-sadazvervo-samsaxurma-aseti-gancxadeba-gaaketa-mgoni-aseti-briqvebi-ar-unda-iqvnen
