Во преполнетиот Соборен Храм на Христовото Воскресение во Тирана, во недела на 15 декември 2024 година, на празникот на светиот Елевтериј Епископ Авлонски, според новиот календарски стил, се изврши хиротонија во епископски чин на архимандритот г. Анастасиј (Мамај), протосингел и новоизбран Епископ на Круја.
Хиротонијата ја изврши Неговото Блаженство Архиепископот на Тирана, Драч и цела Албанија г. Анастасиј, придружуван од Високопреосвештените митрополити на Корча г. Јован, на Аполонија и Фиер г. Никола, на Елбасан г. Антониј, на Берат г. Астиј и на Амантја г. Натанаил.
Во своето обраќање, новохиротонисаниот епископ ја изрази својата длабока благодарност кон Архиепископот на Албанија г. Анастасиј за неговиот огромен придонес во обновувањето на Црквата во Албанија. Тој посебно се осврна на симболичното значење на денот на неговата хиротонија, кој се совпадна со споменот на светиот Елевтериј, Епископ Авлонски. Исто така, истакна и историското значење на Крујската Епископија, која со своите 300 цркви претставува вековен бастион на христијанството и точка на отпор против промената на христијанското население во Албанија.
Во својот одговор, Неговото Блаженство Архиепископот Анастасиј нагласи: „Нашата молитва и желба е: а) да ви даде според богатството на Својата слава, со сила, б) да се утврдите преку Неговиот Дух во внатрешниот човек, в) Христос преку верата да се всели во вашите срца, во љубов вкоренети и утврдени, г) за да можете со сите светии да разберете што е ширината, должината, висината и длабочината, и да ја познаете љубовта Христова која ја надминува секоја спознание, д) за да се исполните со сета полнота Божја. ѓ) А на Оној Кој може многу повеќе да направи од сè што бараме или помислуваме, според силата што делува во нас, Нему слава во Црквата и во Христос Исус во сите поколенија во вековите на вековите. Амин.“ (Ефесјаните 3:14-21)
Свеченоста заврши со восклици „Достоен“ на албански и грчки јазик од страна на клирот и народот.
Извор: https://orthodoxalbania.org/2020/el/2024/12/15/χειροτονία-του-νέου-βοηθού-επισκόπου/
