Со благослов на Неговото Високопреосвештенство Серафим, Архиепископ на Токио и Митрополит на цела Јапонија, и благодарение на трудот на Матеј Цучида Садакацу, верник на Православната црква во Сендаи, диригент на хорот и професор на Универзитетот Шокеј Гакуин, кој живее во Сендаи и Алексеј Потапов, жител на Москва, вработен во институција поврзана со Амбасадата на Јапонија во Русија, во септември оваа година на познатиот православен портал „Азбука вери“ („Азбука на верата“), познат и едноставно како „Азбука.ру“, беше создадена јапонска верзија на православната библиотека.
Оваа дигиталната библиотека на православната литература на оваа страница, според податоците од ноември 2025 година, содржи 24.425 електронски книги, трудови и статии од вкупно 1.155 автори, меѓу кои и свети отци.
Веќе се објавени целосни скенирани PDF-изданија на сите литургиски и молитвени книги преведени од свети Николај, рамноапостолен просветител на Јапонија: Октоих, Триод, Служби на првата седмица на Великиот пост, Служби на Страсната седмица, Педесетница, Минеи, Ирмологиј, Служебник, Часослов, Псалтир, Молитвеник, Правило за причест, како и современи преводи на дела од светите отци, збирката есеи и богословски текстови на Митрополит Серафим со наслов „Мирисот на кадилницата“ и целосни скенирани PDF-изданија на дела од светите отци во стар јапонски превод од Меџи-периодот.
Од преводот на Новиот Завет на Свети Николај, веќе се достапни текстуални верзии и можност за пребарување по зборови на Евангелијата според Матеј, Марко, Лука, Соборното послание на Јаков, и Првото и Второто послание до Солуњаните. Во моментов е во подготовка Евангелието според Јован.
