На 22 и 23 јануари 2026 година, Неговото Блаженство митрополитот Вашингтонски г.г. Тихон, поглавар на Православната Црква во Америка, учествуваше на годинешниот „Маршот за живот“ во Вашингтон, САД.
Вечерта во четврток, на 22 јануари, Неговото Блаженство присуствуваше на молитвено бдение во базиликата на „Националното светилиште“ во Вашингтон. Заедно со Неговото Блаженство беа Неговото Високопреосвештенство архиепископот Мелхиседек од Питсбург, Неговото Високопреосвештенство архиепископот Михаил од Њујорк и Неговото Преосвештенство епископот Андреј од Кливленд, како и други архијереи од Собранието на епископите, предводени од Неговото Преосвештенство Иринеј, епископот Источноамерикански на Српската Православна Црква. По богослужбата, Неговото Преосвештенство Иринеј приреди вечера за архијереите, свештенството и другите гости.
Во петок, на 23 јануари, Неговото Блаженство присуствуваше на Божествената Литургија во катедралниот храм „Св. Николај“, заедно со епископи, свештеници и верници од целата Православна Црква во Америка. На Литургијата присуствуваше и Неговото Преосвештенство епископот Нектариј Диоклиски од Грчката Православна Архиепископија на Америка на Цариградската Патријаршија. По Литургијата беше организиран појадок-прием пред почетокот на „Маршот за живот“.
Собирот за митингот на „Маршот за живот“ започна во 12 часот. Архијереите се собраа за да ја произнесат воведната молитва, која ја прочита Неговото Преосвештенство Иринеј. Во 12:30 часот Неговото Блаженство началствуваше на Молебенот за запирање на абортусот, по што започна „Маршот за живот“. Кон Неговото Блаженство се приклучија и другите архијереи, како и делегации што ги претставуваа Православната богословија „Св. Тихон“ и Православната богословија „Св. Владимир“. „Маршот за живот“ заврши подоцна истото попладне пред Врховниот суд.
Извор: https://www.oca.org/news/headline-news/his-beatitude-metropolitan-tikhon-at-the-2026-march-for-life
