Меѓународна конференција за Канонско право, со тема „Минатото, сегашноста и иднината на канонското право: Еволутивна црковна мисија“ се одржа од 16 до 21 септември 2024 година во Атина.
Конференцијата беше организирана од Митрополијата на Перистери во соработка со Друштвото за право на Источните Цркви и собра истакнати теолози, каноничари, свештеници и академици од целиот свет.
Во рамките на работата на конференцијата беа разработени важни теми околу природата на канонското право, соборноста, предизвиците на современото канонско право, како и развојот на прашањата за јурисдикцијата и управувањето во Црквата. Говорниците споделија вредни знаења и искуства, зајакнувајќи го теолошкиот и правниот дијалог меѓу Источната и Западната Црква.
Отворањето на конференцијата беше организирано од Националниот и Каподистрискиот универзитет во Атина, каде што познати личности од црковниот и академскиот свет од Европа и Америка ја засилија научната и теолошката дискусија околу предизвиците и развојот во канонското право.
Една важна тема беше посветена на обновата и реформата на канонското право, анализирајќи го значењето на интеграцијата на нови податоци и предизвици со кои се соочува Црквата во современиот свет. Исто така, беа истражени точките на допир и разлики меѓу католичката и православната традиција во областа на канонското право.
Особен интерес предизвикаа дискусиите за реинтеграцијата на Црквата во единствен рамки на јурисдикција и перспективите кои произлегуваат од интеракцијата меѓу институционалните и духовните димензии во донесувањето одлуки. Работата на конференцијата беше исполнета со богати дискусии и размена на идеи, кои придонесоа за понатамошен развој на канонското право преку современ, интердисциплинарен пристап.
Во рамките на конференцијата беше организирана посета на Блаженејшиот Архиепископ на Атина и цела Грција г. Јероним, каде што Високопреосвештениот Митрополит на Перистери г. Григориј, како претседател на Друштвото за право на Источните Цркви (за тековниот период), зборуваше за историјата на друштвото и неговите активности. За време на конференцијата, учесниците имаа можност да учествуваат во културни екскурзии до археолошките локалитети во Епидаврос и Коринт, следејќи ги стапките на Апостол Павле, додека завршната церемонија вклучуваше вечера во Сунио со поглед на Храмот на Посејдон.
