Митрополитот на Керкира (Крф) г. Нектариј, од Црквата на Грција, потсети на својот став во врска со црковната ситуација во Украина. Видеото од разговорот беше објавено на телеграм-каналот на Черкаската епархија на Украинската Православна Црква, на која претходно владиката ѝ испрати благослов од моштите на свети Спиридон Тримитунтски.
„Јас отсекогаш сум бил и ќе бидам на страната на канонската Црква под водство на Неговото Блаженство, митрополитот Киевски и на цела Украина, Онуфриј. Јас ја сметам оваа Црква за канонска“ – нагласи Митрополитот Нектариј.
Тој изјави дека на островот Крф секогаш ги примаат свештенослужителите и верниците на УПЦ и дека со нив имаат евхаристиско општење.
„Другите, пак, дури и не се осмелуваат да дојдат, затоа што знаат дека не ја признавам Црквата на расколниците“ – ги пренесува зборовите на Митрополитот Нектариј Сојузот на православни журналисти.
