На 7 декември 2025 година, на денот на споменот на светата великомаченичка Екатерина и престолниот празник на храмот „Св. Екатерина“ – московското Подворје на Православната Црква во Америка – празничната богослужба во овој храм ја отслужија претседателот на Одделот за надворешни црковни врски на Московската патријаршија – митрополитот Волоколамски Антониј, претставникот на Патријархот Антиохиски и на целиот Исток при Патријархот Московски и на цела Русија – митрополитот Филипоополски Нифон, архиепископот Отавски и Канадски Иринеј од Православната Црква во Америка и викарниот епископ на Јужната епархија на Православната Црква во Америка – епископот Форт-Вортски Герасим.
Сослужуваа свештеници од Руската Православна Црква, Православната Црква во Америка и Православната Црква на Чешките земји и Словачка. Дел од молитвените текстови беа изговорени на англиски, грузиски и чешки јазик.
Пред почетокот на Литургијата митрополитот Антониј изврши осветување на иконостасот.
По Литургијата, епископот Форт-Вортски Герасим го прочита поздравното слово од Неговото Блаженството Митрополитот на цела Америка и Канада Тихон.
Во своето слово до архипастирите, настојателот, присутните свештенослужители и верниците, митрополитот Волоколамски Антониј на сите учесници во празнувањето им го пренесе благословот и добрите желби од Претстојателот на Руската Православна Црква.
Владиката Антониј, исто така, му заблагодари на протоереј Даниил Андрејук за неговите трудови во зацврстувањето на врските помеѓу Руската Православна Црква и Православната Црква во Америка.
