Антиохиската архиепископија за Британските острови и Ирска оформи нова мисионераска парохија во градот Ворингтон, во северозападна Англија. Парохијата е посветена на свети Освалд, светител од седмиот век, владетелот кој го проширил христијанството на Британскиот остров.
Првата Божествена Литургија во оваа парохија беше отслужена на 7 февруари, во древната англиканска црква „Св. Елфин“. Присуствуваа 49 луѓе, „што е одличен почеток за оваа нова мисија“, како што пишува интернет страницата на Антиохиската архиепископија.
Следната служба ќе се одржи кога Неговото Високопреосвештенство Митрополитот Силуан е предвидено да служи архијерејска Литургија, на 7 март, на истото место.
