Во текот на минатата недела, свештеникот на Централниот црковен округ во Камерун, отец Павел Атангана, ги посети парохиите на северот од земјата – известува Патријаршискот Егзархат на Африка на Руската Православна Црква. На 15 октомври 2025 година, на денот на споменот на светите маченици Кипријан и Јустина, беше извршено Таинството Крштение во парохијата на светите првоапостоли Петар и Павле во градот Добинга. Тој ден беа крстени 31 локален жител. Уште седуммина беа примени во Православната Црква преку Таинството Миропомазание.
Таинството го извршија свештениците Павел Атангана, Павел Нвагутда, Викенциј Сина и Исаак Сумасу. Свештениците, исто така, одржаа разговор за православната вера и поделија неколку примероци од катехизисот.
Претходно, на 14 октомври, на празникот Покров на Пресвета Богородица, отец Павел крсти уште 25 лица во парохијата на свети Јован Претеча во селото Бабла.
На 19 октомври, во 19-та недела по Педесетница, на денот на споменот на апостолот Тома, отец Павел отслужи Божествена Литургија во заедницата во селото Бунџуми. По богослужбата, отец Павел одржа состанок со свештенството кое служи на северот на Камерун, на кој беа разгледувани прашања за развојот на црковниот живот. Исто така, отец Павел им предаде на свештениците примероци од катехизисот, прирачници за него на француски јазик и печати за просфори.
Извор: https://exarchate-africa.ru/novosti/na-severe-kameruna-kreshheny-eshhe-25-chelovek/
