Во седиштето на Цариградската патријаршија, во Фанар, на 13 мај 2026 година, престојуваше помошникот државен секретар на Соединети Американски Држави Рајли Барнс, надлежен за демократија, човекови права и труд, кој беше пречекан со особени почести – известува интернет страницата на Цариградската Патријаршија.
Барнс, кого го придружуваа соработници од неговиот кабинет, како и заменик-генералниот конзул на САД во Истанбул, Мајкл Кидвел, беше примен од Цариградскиот патријарх Вартоломеј, при што имаа можност во пријателска атмосфера да разговараат за прашања поврзани со животот и мисијата на Патријаршијата, како во нејзиното седиште така и во светот, за грчката заедница во Истанбул и за православните верници во Турција.
Особено беше истакната дејноста и долгогодишниот придонес кон американското општество на Грчката Архиепископија на Америка и нејзиното паство – се нагласува во извештајот.
На средбата, од страна на Патријаршијата, присуствуваа и Митрополитот Халкидонски Емануил, како и шефот на патријаршиската канцеларија, архимандрит Аетиј.
По средбата со Патријархот, Барнс, заедно со својата придружба, го посети патријаршискиот храм, каде што архимандритот Јаков го запозна со неговата историја, како и со светите мошти што се чуваат во него.
Извор: https://ec-patr.org/14/05/17/40/episkepsi-toy-voithoy-ypoyrgoy-exoteri/
