Пламените на пожарот околу градот Патра во Грција, стигнаа до манастирот „Свети Никола“ во областа Бала. Историскиот манастир, познат како „Стар манастир“, се најде лице в лице со пожарот, кој целосно го опкружи.
Како што се гледа од снимката, разорниот пожар ја зафати покривната конструкција на женскиот манастир, додека пожарникарите, монахињите и доброволците водеа борба за да ги спасат конаците.
Монахињите од манастирот веднаш се мобилизираа, обидувајќи се, во соработка со пожарникарите и доброволците кои пристигнаа на местото, да го ограничат пожарот и да заштитат сè што е вредно.
Сепак, властите извршија превентивна евакуација на манастирот, а подоцна следеше акција за спасување на жителите и домашните животни од областа.
