Православните верници во Бразил започнаа акција за собирање средства во поддршка на Неговото Високопреосвештенство Архиепископот Христостом Муниз од Рио де Жанеиро и Олинда-Ресифи од Полската православна црква, кој е принуден да го премести своето седиште откако сопственикот на сегашниот објект одби да го продолжи договорот за кирија.
Полската епархија во Бразил претежно се состои од Бразилци, а не од доселеници. Претходно припаѓала на расколничката „Православна митрополија на Португалија, Шпанија и цела Бразил“, која во 1989 година се приклучила кон Полската православна црква. И покрај тоа што епископите од Португалија и Шпанија ја напуштиле Полската црква во 2000 година, верниците во Бразил останале лојални на неа.
Целта на оваа хуманитарна кампања е да се соберат средства за да се обезбеди почетна рата за купување нова црква и епископско седиште, со што би се овозможило продолжување на мисионерската работа и ширењето на православната вера меѓу Бразилците.
Во објавата од кампањата стои:
„Поздрав до сите наши браќа и пријатели! Неговото Високопреосвештенство Архиепископот на Рио де Жанеиро и Олинда-Ресифи, Христостом Муниз, од Епархијата на Полската православна црква во Бразил, неодамна доби вест дека мора да го напушти своето седиште, бидејќи сопственикот повеќе не сака да го изнајмува објектот. Христостом е архипастир на мисионерска црква тука во Бразил, фокусирана на донесување на православната вера до Бразилците. Оваа кампања е иницијатива за да му помогнеме на архиепископот да обезбеди прва рата за новата црква и седиште. Ви благодариме за вашата поддршка!“
Кампањата, која е сè уште во почетна фаза, има за цел да собере 1.650 долари (10.000 бразилски реали).
