На 19 / 6 декември 2025 година, на денот на споменот на светиот Николај Мирликиски Чудотворец, во храмонт „Свети Никола“ во Техеран, главниот град на Исламската Република Иран, беше прославен храмовиот празник. Исто така се одржаа свечености по повод 80-годишнината од осветувањето на соборот во 1945 година и 30-годишнината од повторното присоединување во 1995 година на руската православна парохија во Техеран кон Московската Патријаршија.
По повод на ова празнување, во храмот беа извршена значајна реставрација: реставрирано беше уникатното огледално обложување на олтарниот свод, одново беа обоени внатрешните сводови на храмот, а беа набавени, донесени и поставени во олтарот нов престол и жртвеник.
На самиот ден на празникот, пред Литургијата, настојателот на црквата, архимандритот Александар (Заркешев), во храмот отслужи помен, на кој се молеше за сите починати настојатели на храмот.
Потоа беше отслужена празнична Литургија, со која началствуваше отец Александар во сослужение со игуменот Варлаам (Дулски) и ѓаконот Алексеј Костин. Многу парохијани пристапија кон причестување со Светите Христови Тајни.
По отпустот на Литургијата, архимандрит Александар им го пренесе на парохијаните благословот на Неговата Светост Патријархот Московски и на сета Рус Кирил, а потоа го прочита Патријаршискиот указ за наградување на храмот „Свети Никола“ во Техеран, по повод неговата 80-годишнина, со право на служење на Литургијата со отворени Царски двери до молитвата „Оче наш“.
Потоа отец Александар им се обрати на присутните со проповед, во која раскажа за историјата на изградбата на црквата во Техеран во 1945 година и им посака Божја помош на нејзиното свештенство и парохијани.
