Со благослов на Неговото Блаженство, Папата и Патријарх Александриски и на сета Африка, Теодор II, на 22 јули 2026 година беа извршени првите крштевки во градот Диего Суарез на Мадагаскар, означувајќи нов почеток за парохијата посветена на светите архангели Михаил и Гаврил.
Со Божја благодат, првите нови православни христијани во оваа парохија се преродија преку Светата Тајна Крштение. Во соопштението на Светата Епископија се наведува: „Се молиме овој благословен ден да биде почеток на едно големо мисионерско дело во овој град, за да се вратиме уште многу пати и да приведеме мноштво луѓе на патот на спасението во нашиот Господ и Бог Исус Христос.“
По извршувањето на светите крштевки беше приреден традиционален свечен ручек, кој го организираше Епископот на Северен Мадагаскар во чест на новокрстените и на сите присутни.
