По повод светлиот празник Христово Воскресение, на 12 април 2026 година, Неговата Светост Патријархот Московски и на сета Рус Кирил упати честитки до: Неговото Блаженство Патријархот на Великата Антиохија и на целиот Исток Јован X, Неговото Блаженство Патријархот на Светиот град Ерусалим и на цела Палестина Теофил III, Неговата Светост Патријархот Српски Порфириј, Неговото Блаженство Патријархот Романски Даниел, Неговата Светост Патријархот Бугарски Даниил, Неговото Блаженство Архиепископот Тирански и на цела Албанија Јован, Неговото Блаженство Митрополитот Варшавски и на цела Полска Сава, Неговото Блаженство Митрополитот на Чешките земји и Словачка Ростислав, Неговото Блаженство Митрополитот на цела Америка и Канада Тихон, Неговото Блаженство Архиепископот Охридски и Македонски Стефан, како и до местобљустителот на Патријаршискиот престол на Грузиската Православна Црква, митрополитот Сенакски и Чхороцкујски Шио.
Во писмото, како што известува Одделот за надворешни црковни врски на Московската патријаршија, помеѓу останатото, се вели:
„ХРИСТОС ВОСКРЕСЕ!
Со овој радосен и животворен древен возглас братски Ве поздравувам и срдечно Ви го честитам празникот над празниците и торжеството над торжествата.
Сега се исполни големата тајна на спасението на човечкиот род, зашто нашата Пасха, Христос, заклан за нас (1 Кор. 5, 7), нè помири со Бога и Отецот и нè ослободи од вечното осудување, за и ние да одиме во обновен живот (Рим. 6, 4) и да бидеме причасници на Царството Небесно.
Пасхалната благовест ги исполнува нашите срца со длабока благодарност кон Создателот, нè поттикнува, следејќи ги светите апостоли, неуморно да ја објавуваме на ближните и далечните големата радост за Спасителот на светот Кој воскресна од мртвите.“
Светејшиот Патријарх Кирил им посака на поглаварите на Помесните Православни Цркви крепко здравје, долг живот и непрестајна помош од Господ Исус Христос во нивните претстоителски трудови, а исто така посака мир и благосостојба за нивното богољубиво паство.“
