На 3 септември 2024 година, Светиот архијерејски синод на Православната Црква на Чешките земји и Словачка објави декларација во поддршка на Украинската православна црква (УПЦ) и Блаженејшиот Митрополит Онуфриј, објави Синодскиот информативно-просветен оддел на УПЦ. Повод за изјавата беше усвојувањето на законот 8371 од страна на Врховната Рада на Украина на 20 август 2024 година, кој е насочен кон ограничување на активностите на УПЦ во земјата, што предизвика остро осудување од страна на претставниците на Православната Црква на Чешките земји и Словачка.
Архијереите на Чешката црква изразија огорченост поради тоа што „законот, чија цел е забрана на активностите на Украинската православна црква, беше усвоен од парламентот на демократска земја, кој треба да биде гаранција за почитување на основните права и слободи на човекот“. Цитирајќи ги Псалмите, авторите на изјавата се присетуваат на прогоните со кои Православната Црква се соочувала низ историјата, изразувајќи уверување дека Бог нема да го остави својот народ без помош.
Во изјавата на Синодот стои: „Изразуваме наша поддршка за Блаженејшиот Митрополит Киевски и на цела Украина г. Онуфриј, како и за целата Украинска Православна Црква. Апостолот Павле вели: ‘Ако страда еден член, страдаат сите членови’ (1 Кор. 12, 26). Ги помниме овие зборови и се молиме за помош од Бога и спасение на сите прогонувани и страдање“.
Архијереите исто така повикаа на продолжување на молитвите за мир во Украина, нагласувајќи дека почитувањето на правата и слободите на човекот е важно не само за една земја, туку и за целата светска заедница. Во изјавата се потсетува дека слични ставови изразиле и други Православни Цркви, како и папата Франциск и Светскиот совет на црквите.
Како што претходно објави Сојузот на православни журналисти, честитајќи му го именденот на Претстоителот на УПЦ, Блаженејшиот Митрополит Ростислав, поглаварот на Проавославната црква на Чешките земји и Словачка изјави дека „Митрополитот Онуфриј претставува вистински христијански пример на однос кон морето на животот, воздигнато со бури на искушенија“.
Извор: https://uoc-news.church/2024/09/06/vislovlyujemo-pidtrimku-blazhennishomu-onufriyu-ta-vsij-ukrajinskij-pravoslavnij-cerkvi-zayava-svyashhennogo-sinodu-pravoslavnoji-cerkvi-cheskix-zemel-i-slovachchini/ преку: https://spzh.live/ru/news/81955-sinod-cheshskoj-tserkvi-vyskazal-podderzhku-upts-i-mitropolitu-onufriju
