Митрополитот Илијски г. Атинагора од Црквата на Грција ја истакна потребата од пастирска будност пред забрзаниот технолошки развој, обраќајќи се на годишната средба која се одржа во саботата на 24 јануари 2026 година, во Духовниот центар на при храмот „Света Варвара“ во Илио, во Атика, Грција.
Салата беше преполна со свештеници и вероучители, кои одговорија на повикот на Митрополијата за една продлабочена расправа околу актуелната тема на вештачката интелигенција и нејзиниот однос со православната антропологија.
Во своето обраќање, Митрополитот Атинагора подвлече дека Црквата не може да остане само набљудувач, туку е должна теолошки да им пристапува на предизвиците кои ја обликуваат идентитетската самосвест на младите.
Темата беше детално разработена од три различни перспективи: професорот на Аристотеловиот универзитет во Солун, Христос Циронис, зборуваше за опасноста од изобличување на личноста во еден „алгоритамски обликуван културен простор“; филозофот Теофанис Тасис се задржа на зачувувањето на моралните вредности во епохата на технолошко забрзување, додека новинарот Димитрис Малас ги изложи практичните последици од вештачката интелигенција во секојдневниот живот и образованието.
Заедничка точка на сите говорници беше потребата од суштинска соработка меѓу теологијата и науката, со цел Црквата одговорно да ги придружува младите во дигиталниот свет.
Како што истакна директорот на Канцеларијата за млади, Димитрис Анифандакис, оваа манифестација претставува почеток на една низа активности поврзани со дигиталната култура и стручната дообука на кадрите.
Вечерта заврши со една симболична гест од страна на Митрополитот г. Атинагора, кој на сите присутни им ја подари книгата на Теофанис Тасис „Дигитален хуманизам“, снабдувајќи ги со корисна алатка за разбирање на новата реалност.
Извор: https://orthodoxia.info/news/mitropoli-ilioy-anoigei-ton-dialogo/
