Неговата Светост Српскиот патријарх Порфириј, на 16 декември 2025 година, во просторите на патријаршијата во Белград, разговараше со Неговото Високопреосвештенство, митрополитот Гориски и Атенски Андреј од Грузиската Патријаршија.
На почетокот на разговорот, гостинот ги пренесе братските поздрави од Неговата Светост, патријархот на Тбилиси и на цела Грузија Илија. Митрополитот Андреј му се заблагодари на Патријархот Порфириј за срдечниот прием, нагласувајќи дека двата братски народа не ги поврзува само една вера, туку и многу слична историја.
Патријархот Порфириј ја истакна неопходноста од соборност и братски средби, кои треба да ги поврзуваат и зацврстуваат во Христа сите православни христијани. „Само преку заедништво и со Христос можеме да им одолееме на сите неволји, кои сè повеќе се умножуваат во современиот свет“, порача Патријархот Порфиријe.
Заклучувајќи ја братската средба, соговорниците го истакнаа значењето на дијалогот и меѓусебното уважување, како и потребата православните христијани, и покрај тешките околности, да истраат во верата, секогаш полагајќи ја својата надеж во Господа.
На средбата присуствуваа: јеромонахот Илија, економ на манастирот Атенски Сион, и монахињата Гаврила, намесничка на манастирот насСветиот апостол Андреј Првоповикан.
