Неговата Светост Српскиот патријарх г.г. Порфириј на 28 април 2025 година во просториите на патријаршијата во Белград имаше средба со Високопреосвештениот Митрополит Лимасолски г. Атанасиј од Православната Црква на Кипар и со Високопреподобниот архимандрит Ефрем, игумен на светогорскиот манастир Ватопед – известува интернет страницата на Српската патријаршија.
За време на срдечната средба, соговорниците разменија мислења за значајни теми поврзани со животот и мисијата на Православната Црква во современиот свет. Посебно внимание беше посветено на негувањето на братските односи меѓу српскиот и грчкиот народ, како и на духовната поврзаност на овие помесни Цркви. Почитуваните гости го замолија Патријархот за благослов и за отстапување на дел од светите мошти на Преподобниот Јустин Ќелиски и Светиот Николај Жички, со кои духовно и историски се поврзани.
На средбата присуствуваа и неговото Високопреосвештенство Митрополитот Шумадиски г. Јован, протоѓаконот д-р Драган Радиќ – професор на Богословскиот факултет во Белград и ѓаконот Никола Костиќ – секретар на Кабинетот на Српскиот патријарх.
